اما عجائب
اما عجايب
واحد شايب
وكان النائب
لا أخلاق
لا رايا صايب
لسع غايب
في الركايب
سنونو صفر
كيزانو قرايب
قال ح يحرش
لينا كتائب
شوف بالله
الراجل العايب
بعد ما طاش
وادوهو معاش
بعدما كمل
المال السايب
جدعو الشايب
وقالو كتائب
وكتايب وين
لا لي الفشقه
ولا لي حلايب
كتايب قال
للشعب الحر
الضاق المر
شان يرجع ليكم
باكر تايب
اما مهازل
اما عجايب
بعد خموها
رسوم وضرايب
بعد خلوها
حطام وزرايب
بعد لهطوها
لحوم ومطايب
عطشانين
لي دم ومصايب
اسمع يا منزوع
الحكمه
يا مطرود
من كرسي النايب
تتراجف
حيرت المعلقه
والماعون
واللبن الرايب
اصبح همك
مالك وخمك
وتقلة دمك
خمسه صلايب
بل تهديدك
مويتو تفيدك
وارعي بقيدك
وربي دبايب
السودان ماعاد مستني
لا متكاسل لا متثائب
السودان العقد النيه
لاخايف لا خبرك جايب
السودان والعدل حبايب
الثوار والثوره قرايب
إتلمينا الحق يحمينا
عواصف حق
ورعود وهبايب
اما عجايب
اما عجايب
شوف بالله
الراجل الخايب
--------
طارق اللمين
قوووم فوق
موكب امدرمان 9يناير
تسكت_بس#
